Kaya,
zanfan zéga, frèr maloya
kouzin mouga, avek reggae oula maryé
oula fé zanfan i apel seggae, malogé mougé
Dann in méodi out kozé té koul la rivyer nwar ziska loséan.
Dann vante dolo désik té kares désel,
té fé fonn lotan pou fé in siro alouda.
Pou adous lavi.
Wi, zis pou sanz logou lavi.
Wi, zis déses gozyé lavi.
Aou minm té fé sante ravane.
Aou minm té fé plére maravane
Zwazo kondé i danse dann pyé filaos.
La montagne samarel montagne bertlo té danse dann bra inn a lot.
Kaya,
ou té bwar la fimé kanabinolé
Ou té avane later ou la pa nyabou mélanz lé set kouler
Ou té rod dobwa pou alime dofé linité
Ou té essay galiz in santyé pou out pèp marse dan adinité.
La mor, fanm zakavol la souk aou in swar dans lazol,
konm fénwar i souk la limyer
konm kosmar i souk in rèv.
Kisa loter si brizand la tinn out vi?
Kisa loter si mor la avale out vi?
Sa bann opreseur sa?
Sa kominalis sa?
La sis ton san pou fé bwar zot pouvwar
la trang la vérité po touf la rézon
Dévine dévinay !!
nora solman la vérité i koné la vérité
Kaya
nou koné ou la pa mor
Ou a zis giny somey dann bra out zidè, dor, agard pa nou
Nout pléré sar konm in sours i perse galé,
i nway later pou fé gonn fler la pé.
par Elisien Beton http://ilemauricekaya.free.fr mis en ligne le 08 novembre 2018